Bakıda qadına çəkiclə xəsarət yetirən şəxsə qarşı cinayət işi başlanıb. Bu haqda 3 noyabr tarixində Report xəbər verib.
Binəqədi rayonu, Biləcəri qəsəbəsində oktyabrın 25-də 64 yaşlı Sərdar Namazov arvadını 52 yaşlı Gülnarə Namazovanı öldürməyə cəhd edib. Mübahisə zamanı o, arvadının baş nahiyəsinə çəkiclə çoxsaylı zərbələr vurub.
Sərdar Namazov saxlanılıb və istintaqa cəlb olunub. Onun barəsində Cinayət Məcəlləsinin qəsdən adam öldürməyə cəhd etmə maddəsi ilə cinayət işi başlanıb.
