Nizami, Nəsimi və Binəqədi rayonlarında oğurluq edən şəxslər saxlanılıb. Bu haqda 19 noyabr tarixində AZƏRTAC xəbər verib.
Nizami rayonunda noyabrın 1-də “Chevrolet” markalı avtomobildən pul, eynək və iki ədəd mobil telefon oğurlayan əvvəllər məhkum olunmuş C.Quliyev yaxalanıb.
Noyabrın 14-də Nəsimi rayonunda mopedin içərisindən 1000 manat məbləğində pul, şəxsiyyət vəsiqə və 130 manat dəyərində dəbilqə olan çantanı oğurlamaqda şübhəli bilinən Sumqayıt şəhər sakini, əvvəllər məhkum olunmuş A.Babayev saxlanılıb.
Polisin digər əməliyyat-axtarış tədbirləri nəticəsində Binəqədi rayonunda dörd evdən oğurluq edən Bakı şəhər sakini R.İsgəndərov saxlanılıb.
Hər üç faktla bağlı araşdırma davam edir.
