Paytaxtın Sabunçu rayonunda saxta pul istehsal edən dəstə aşkarlanıb. Bu haqda bu gün, 10 avqust tarixində Bakuplus.az Daxili İşlər Nazirliyinə istinadən xəbər verir.
Zabrat qəsəbəsində alış-veriş edən zaman Rəna Süleymanovanın saxta puldan istifadə etdiyi müəyyən olunub. Onun barəsində araşdırma zamanı daha 3 nəfər saxlanılıb. Dəstə üzvlərindən birinin Nizami rayonunda yerləşən evində 247 ədəd saxta əsginas aşkarlanaraq götürülüb.
Şübhəli şəxslər törətdikləri əməli etiraf ediblər. Faktla bağlı araşdırma aparılır.
