Tiktok sosial şəbəkəsində yayılan video 4 nəfərin saxlanılmasına səbəb olub. Sabunçu rayon Polis İdarəsinin və Dövlət Yol Polisi Şöbəsinin əməkdaşları toy karvanında avtoxuliqanlıq faktı ilə bağlı araşdırmalara başlayıb.
Araşdırma nəticəsində Məhəmməd İsayevin idarə etdiyi 90-XO-618 dövlət nömrə nişanlı "Niva", Sadiq Hadıyevin idarə etdiyi 10 -GT-150 dövlət nömrə nişanlı "VAZ 2106", Həsən Rahibzadə idarə etdiyi 10-ND-286 dövlət nömrə nişanlı "VAZ 2103" və İsrail Babayev idarə etdiyi 01-BA-631 dövlət nömrə nişanlı "VAZ-2106" markalı avtomobillər saxlanılıb. Məhkəmənin qərarına görə sürücülər 20 gün həbs edilib.
Daha öncə, 25 oktyabr tarixində Bakıda dini toy karvanı təşkil edən 16 avtoxuliqan saxlanılmışdır.
