Bakıda siqaretpulu vermədiyinə görə anasını döyən şəxsin məhkəməsi başa çatıb. Bu haqda bu gün, 10 avqust tarixində Unikal.org məlumat verib.
Əmircan qəsəbəsi sakini A.Orucov (adı, soyadı şərtidir) siqaret almaq üçün anası S.Orucovadan (adı, soyadı şərti) pul tələb edib. Anası pul vermək istəmədiyi üçün onun başına iki, kürəyinə bir neçə dəfə yumruqla müxtəlif dərəcəli bədən xəsarətləri yetirib.
Bu əməlinə görə A.Orucov “Qəsdən sağlamlığa az ağır zərər vurma” maddəsi ilə ittiham edilərək məhkəmə qarşısına çıxarılıb. Suraxanı Rayon Məhkəməsində hakim Anar İbrahimovun sədrliyi ilə keçirilən məhkəmə iclasında təqsirləndirilən şəxs anasının şikayəti olmadığı üçün cinayət məsuliyyətindən azad edilib.
Gəncin Vətən müharibəsi iştirakçısı olduğu bildirilir.
