Bakıda evlərdən və mağazadan oğurluq edən şəxslər saxlanılıb. Bu haqda 23 noyabr tarixində Report xəbər verib.
Noyabrın 18-dən 21-dək olan müddətdə Buzovna qəsəbəsindəki həyətlərin birindən 2000 manat dəyərində dəmir borular və su mühərriki oğurlanıb. Polisin keçirdiyi əməiyyat-axtarış tədbirləri nəticəsində T.İmanov və F.Cabbarov saxlanılıblar.
Növbəti əməliyyat zamanı Binəqədi rayonunda noyabrın 16-da evlərin birindən 2405 manat dəyərində kombi, santexnika və təmir-tikinti alətləri oğurlamaqda şübhəli bilinən Lənkəran rayon sakini S.Ağayev saxlanılıb.
Bundan başqa, noyabrın 13-də Yasamal rayonunda mağazaların birindən 300 manat dəyərində tütün məmulatı və 1250 manat pul oğurlanıb. Polisin apardığı axtarış tədbiri nəticəsində Bakı şəhər sakini, əvvəllər məhkum olunmuş O.Hüseynov saxlanılıb.
