Paytaxtın Qaradağ rayonu, Sahil qəsəbəsində 5-ci və 3-cü massiv adlanan ərazilərdə yollar bərbad vəziyyətdədir. Bu haqda bu gün, 23 avqust tarixində Bakuplus.az Real TV-yə istinadən xəbər verir.
Sakinlərin sözlərinə görə, həm Təcili Tibbi Yardım, həm də taksi gəlməkdə çətinlik çəkir. Yağışlı havada isə bura tamamilə bataqlığa çevrilir.
“Neçə dəfə öz hesabımıza yollara çınqıl tökmüşük. Yük avtomobilləri hər gün buradan keçir, yolları dağıdırlar, ətraf toz-dumandır”, - deyə onlar əlavə ediblər.
Avtomobil Yolları Dövlət Agentliyindən məsələ ilə bağlı bildirdilər ki, hazırda Sahil qəsəbəsinin 1 küçəsi təmir olunur. Növbəti küçələrin də yenidən qurulması nəzərdə tutulub.
[caption id="attachment_63467" align="alignnone" width="800"]
Foto Real TV-nin rəsmi Youtube kanalı[/caption]
