Suraxanı rayonunda daha bir şəhidin abidə kompleksinin açılışı baş tutub. Bu haqda Bakuplus.az Suraxanı Rayon İcra Hakimiyyətinin mətbuat xidmətinə istinadən məlumat verir.
Paytaxtın Yeni Suraxanı qəsəbəsində Vətən müharibəsinin şəhidi Elnur Şahbazovun xatirəsini əbədiləşdirmək məqsədilə inşa edilmiş abidə kompleksinin açılış mərasimi keçirilib.
Mərasimdə rayon İcra Hakimiyyətinin başçısı Əziz Əzizov, Milli Məclisin deputatı Etibar Əliyev, RİHB-nin müavini, Azərbaycan paracüdoçusu İlham Zəkiyev, Vətən müharibəsi qəhramanı İzzət Balacayev, şəhidin doğmaları və yaxınları iştirak ediblər.
Anım tədbirində 89 saylı tam orta məktəbin müəllim və şagird kollektivi iştirak edib, həmçinin şagirdlərin ifasında şeirlər səsləndirilib. Açılışdan sonra tədbir iştirakçıları şəhidin məzarını ziyarət edərək ruhuna dualar oxuyub, eləcə də açılmış ehsan süfrəsində xatirəsini ehtiramla yad ediblər.
Elnur Şahbazov 27 sentyabr 2020-ci ildə başlayan Vətən müharibəsində iştirak edib. Cəbhənin müxtəlif istiqamətlərində döyüşlərdə iştirak edib. 23 oktyabr 2020-ci ildə Laçın dəhlizi uğrunda gedən döyüşlərdə 6 şəhidi döyüş meydanından çıxararaq özü şəhid olub. Ölümündən sonra "Vətən uğrunda" və "Cəsur döyüşçü" medalları ilə təltif edilib.
[caption id="attachment_61425" align="alignnone" width="800"]
Foto Suraxanı Rayonu İcra Hakimiyyətinin rəsmi saytı[/caption]
