Binəqədi rayonunda yerləşən Gənclər evinin rəhbər vəzifəsinə sənəd qəbulu elan edilir. Bu haqda 12 yanvar tarixində Bakuplus.az AZƏRTACA istinadən xəbər verir.
Gənclər və İdman Nazirliyi Binəqədi rayonunda Gənclər Evi sosial xidmət müəssisənin rəhbər vəzifəsinə sənəd qəbulu elan edir.
Gənclər Evinin direktoru vəzifəsinə ali təhsilli, iki ili gənclərlə iş sahəsində olmaqla, ümumilikdə üç il iş stajı olan, minimum bir xarici dil bilən 35 yaşadək şəxslər müraciət edə bilərlər.
Namizədlər fotolu CV, şəxsiyyət vəsiqəsinin və ali təhsil haqqında diplomun surətlərini yanvarın 12-dən 25-dək elektron formada Gənclər və İdman Nazirliyinin elan@mys.gov.az ünvanına göndərməlidirlər.
Bütün müraciətlər nəzərdən keçiriləcək və tələblərə cavab verən namizədlərlə əlaqə saxlanılacaq.
