Səbail Rayon İcra Hakimiyyətinin başçısı Vüqar Zeynalov Vətən müharibəsi şəhidi Vüsal Teymurovun ailə üzvlərini ziyarət edib. Bu haqda BakuPlus.az Səbail Rayon İcra Hakimiyyətinə istinadən bu gün, 22 avqust tarixində xəbər verir.
Görüşdən öncə Badamdar qəsəbəsində şəhidin ailə üzvlərinin yaşadığı fərdi yaşayış evinin qarşısında xatirə lövhəsinin önünə gül dəstələri qoyulub, onun xatirəsi ehtiramla anılıb.
Şəhidin valideynləri şəhid ailələrinə göstərilən diqqət və qayğıya görə minnətdarlıqlarını bildirib.
Vətən müharibəsində Şuşa şəhəri istiqamətində gedən döyüşlərdə qəhrəmancasına şəhid olan Teymurov Vüsal Zakir oğlu döyüşlərdə göstərdiyi qəhrəmanlığa görə Azərbaycan Respublikasının Prezidenti cənab İlham Əliyev tərəfindən ölümündən sonra “Füzulinin azad olunmasına görə”, “Qubadlının azad olunmasına görə”, “Şuşanın azad olunmasına görə”, "Vətən uğrunda” və “Döyüşdə fərqlənməyə görə” medalları ilə təltif olunmuşdur.
[caption id="attachment_61416" align="alignnone" width="800"]
Foto Səbail Rayonu İcra Hakimiyyətinin rəsmi saytı[/caption]
