10 yanvar tarixində Bakıda 3 zəhərlənmə halı qeydə alınıb. Bu haqda Report xəbər verib.
Paytaxtın Nərimanov rayonu, Əliyar Əliyev küçəsində 65 yaşlı Saraxanım Quliyeva yaşadığı evdə dəm qazından zəhərlənib.
Sabunçu rayonu, Bakıxanov qəsəbəsində, yaşadığı evdə dəm qazından zəhərlənən 26 yaşlı Səma Bünyadzadə xəstəxanaya çatdırılıb.
Daha bir zəhərlənmə hadisəsi Binəqədi rayonunda baş verib. Rayonun Xocasən qəsəbəsində 45 yaşlı Natəvan Təhməzova yaşadığı evdə dəm qazından zəhərlənib.
Bundan əlavə ötən gün paytaxtın Sabunçu, Nərimanov, Suraxanı və Binəqədi rayonlarında daha 8 nəfərin dəm qazından zəhərlənməsi qeydə alınıb.
Bütün xəsarət alanlar xəstəxanaya çatdırılaraq həkim nəzarətinə götürülüb.
