Binəqədidə oğurladıqları avtomobili İsmayıllıyı rayonunda hissələrə ayırıb satan şəxslər saxlanılıb. Bu haqda 6 dekabr tarixində APA məlumat verib.
Noyabrın 29-da Dərnəgül qəsəbəsi ərazisində paytaxt sakininə məxsus “Qaz 3110” markalı avtomobil naməlum şəxslər tərəfindən qaçırılıb.Polisin həyata keçirdiyi əməliyyat-axtarış tədbiri nəticəsində İsmayıllı rayon sakinləri Nurlan Əliyev və Vaqif Vəlibəyov saxlanılıblar.
İstintaq zamanı məlum olub ki, onlar qaçırdıqları nəqliyyat vasitəsini İsmayıllı rayonuna aparıblar. Daha sonra avtomobili hissələrə bölüb satmaq istəyiblər.
Faktla bağlı araşdırma davam edir.
