Bu gün, 19 yanvar gecə saatlarında Bakıda on nəfər dəm qazından zəhərlənib. Bu haqda Report məlumat verib.
Xəzər rayonu, Binə qəsəbəsində ana və 3 azyaşlı övladı dəm qazından zəhərləniblər. 38 yaşlı Aygün Nuriyeva, 12 yaşlı Aysu Mənsimli, 10 yaşlı Zəhra Mənsimli və 8 yaşlı Ceyhun Mənsimli təcili tibbi yardımın köməkliyi ilə xəstəxanaya çatdırılıblar.
Bundan əlavə, Xəzər rayonunda daha dörd nəfər dəm qazından zəhərlənib. Binə qəsəbəsində 35 yaşlı Şahin Əhmədov və 38 yaşlı Azər İsmayılov, qəsəbənin “Südçülük sovxozu” adlanan ərazisində 38 yaşlı Samirə İsaqova, Şağan qəsəbəsində isə 31 yaşlı Günay Abdullayeva yaşadıqları evdə dəm qazından zəhərləniblər. Zərərçəkənlər təcili tibbi yardımın köməkliyi ilə xəstəxanaya çatdırılıblar.
Həmçinin, Binəqədi rayonu, Sulutəpə qəsəbəsində bir ailənin 3 üzvü dəm qazından zəhərlənib. 38 yaşlı Orxan Əfəndiyev, onun həyat yoldaşı 31 yaşlı Elnaz Əfəndiyeva və 13 yaşlı övladı Oktay Əfəndiyev təcili tibbi yardımın köməkliyi ilə xəstəxanaya yerləşdiriliblər.
Hər faktla bağlı araşdırmalar aparılır.
