Paytaxtın Binəqədi rayonunda narkotik maddələrin satışını həyata keçirən şəxs saxlanılıb. Bu haqda Daxili İşlər Nazirliyinin mətbuat xidməti 14 yanvar tarixində məlumat yayıb.
Binəqədi rayonunda keçirilən əməliyyat axtarış tədbirləri nəticəsində rayon ərazisində narkotiklərin satışı ilə məşğul olan, əvvəllər məhkum olunmuş Əli Əhmədov saxlanılıb. Onun üzərindən və yaşadığı evdən 4 kiloqramdan artıq heroin, 300 qram psixotrop maddə “patı”, “şüşə” adlanan metamfetamin, 89 ədəd metadon həbi aşkar olunaraq götürülüb.
Əli Əhmədov narkotik vasitələri satmaq məqsədilə əldə etdiyini bildirib.
