Bu gün, 20 yanvar tarixində paytaxtda piyadaların iştirakı ilə 3 yol qəzası baş verib.
Nəsimi rayonu ərazisində 41 yaşlı Məcid Tahirov yolu keçmək istəyərkən onu avtomobil vurub. Hadisə yerinə təcili tibbi yardım cəlb olunub. Yaralı sağ baldır sümüklərinin yerdəyişən sınığı ilə xəstəxanaya çatdırılıb.
Binəqədi rayonu, Biləcəri qəsəbəsində yol-nəqliyyat hadisəsi zamanı bir nəfər xəsarət alıb. 31 yaşlı Namiq Lətifov yolun piyadalar üçün müəyyən edilməmiş hissəsindən keçərkən onu avtomobil vurub. Piyada ağır vəziyyətdə 1 saylı şəhər xəstəxanasına çatdırılıb.
Binəqədi rayonunda daha bir piyada vurulub. Yolu keçən 54 yaşlı Eldar Hüseynovu avtomobil vurub. Yaralı təcili tibbi yardımın köməkliyi ilə xəstəxanaya aparılıb. Müayinə zamanı ona sol qamış sümüyünün sınığı diaqnozu qoyulub.
Hər üç faktla bağlı araşdırma aparılır.
