Ötən gün Nəsimi, Nizami, Binəqədi və Səbail rayonlarında xəsarətlərlə nəticələnən yol-nəqliyyat hadisələri baş verib.
Report-a istinadən Nəsimi rayonunda motosiklet yolu keçən 11 yaşlı Kamran Kərimovu vurub. Yaralı sağ dirsək nahiyəsinin sınığı diaqnozu ilə xəstəxanaya yerləşdirilib.
Report-un verdiyi məlumata görə, Nizami rayonunda yolu keçən zaman 20 yaşlı Xəyal Rəsulov avtomobil tərəfindən vurulub. Yaralı sol saidin sınığı diaqnozu ilə xəstəxanaya çatdırılıb.
Digər bir piyada Binəqədi rayonunda minik avtomobili tərəfindən vurulub. Report-a istinadən 33 yaşlı Yusif Əzimov sağ əlin sınığı və bədənin müxtəlif dərəcəli əzikləri diaqnozları ilə xəstəxanaya yerləşdirilib.
Report-a istinadən daha bir xəsarətlə nəticələnən yol hadisəsi Səbail rayonunda baş verib. 29 yaşlı Azər Məlikovu yolu keçərkən avtomobil vurub. Yaralı təcili tibbi yardımın köməkliyi ilə xəstəxanaya çatdırılıb və həkim nəzarətinə götürülüb.
Hər 4 faktla əlaqədar araşdırma davam edir.
