Bakı metrosunun İçəri Şəhər - Həzi Aslanov istiqamətində hərəkət edən qatar Nəriman Nərimanov stansiyasına daxil olarkən sərnişin stansiya yoluna düşüb. Bu haqda 5 dekabr tarixində Report məlumat verib.
Relslərə verilən elektrik enerjisi dərhal kəsilib, hadisə yerinə təcili tibbi yardım cəlb olunub, sərnişin yolundan çıxarılıb.
On iki dəqiqədən sonra qatarların hərəkəti bərpa edilib.
Oxşar hadisə həmin gün Binəqədi rayonunda baş verib. 48 yaşlı Reyhan Əhmədova hərəkət edən 133 nömrəli marşrut avtobusundan yıxılıb. Nəticədə o, sağ bud sümüyünün yerdəyişən sınığı ilə xəstəxanaya çatdırılıb.
Hər iki faktla bağlı araşdırmalar aparılır.
