Bakıda 54 yaşlı kişinin 16 yaşlı qonşusunu iplə boğaraq öldürməsi ilə bağlı təfərrüatlar açıqlanıb. Bu haqda 10 sentyabr tarixində Bakuplus.az APA-ya istinadən xəbər verir.
Belə ki, Bilgəh qəsəbəsində Babək Quliyev onun qızına sataşan qonşusu, 16 yaşlı Hüseynağa Şeydabəyovu evinə salaraq döyüb, ona ağır xəsarətlər yetirib. Hirsi soyumayan ata yeniyetməni iplə boğaraq öldürüb və daha sonra meyiti həyətində gizlədib.
Bir müddət sonra o, cəsədi Qaradağ rayonu ərazisində yerləşən daş karxanalarından birinin yaxınlığında torpağa basdırıb.
Babək Quliyev saxlanılıb və ona qarşı Cinayət Məcəlləsinin “Qəsdən adam öldürmə, yəni digər şəxsi qəsdən həyatdan məhrum etmə” maddəsi ilə cinayət işi başlanıb.
