Bakıda bağ evlərindən oğurluq edən şəxs saxlanılıb. Bu haqda 12 fevral tarixində Report məlumat verib.
Binəqədi rayonu, Goradil bağlar massivində yerləşən evlərin birindən təmir-tikinti əşyaları, elektrik naqillər oğurlanıb. Polis əməkdaşlarının həyata keçirdikləri əməliyyat-axtarış tədbiri nəticəsində əvvəllər məhkum olunmuş Zərdab rayon sakini Asif Ağayev saxlanılıb.
Araşdırma aparılan zamanı məlum olub ki, o, Bakının bir neçə rayonunda yerləşən ümumilikdə 18 həyət evindən müxtəlif vaxtlarda məişət əşyaları, təmir-tikinti alətləri, su nasosları və digər əşyalar oğurlayıb. O, izahatında törətdiyi əməlləri etiraf edib.
Faktlarla bağlı əməliyyat- istintaq tədbirləri davam etdirilir.
