Bakının Binəqədi rayonunun ərazisində 31 yanvar tarixində 5 avtomobilin iştirakı ilə yol-nəqliyyat hadisəsi qeydə alınıb.
Qəzada “Jeep”, “BMW”, “Hyundai”, “Toyota” və “Mercedes” markalı avtomobillərin toqquşması ilə zəncirvari qəza baş verib. Qeyd olunur ki, qəzanın günahkarı sürücülük vəsiqəsi olmayan 17 yaşlı oğlandır. Onun atasının qəzanı öz üzərinə götürdüyü bildirilir.
İlkin məlumata görə, yol qəzasında xəsarət alan olmayıb. Avtomobillərə isə maddi ziyan dəyib. Bu barədə Daxili İşlər Nazirliyindən hələ ki məlumat verilməyib.
