Bakının Nəsimi rayonu ərazisində xəsarətlə nəticələnən yol-nəqliyyat hadisəsi baş verib. Bu haqda bu gün, 18 avqust tarixində APA məlumat verib.
Dövlət qeydiyyat nişanı olmayan “Khazar” markalı avtomobil Süleyman Rəhimov və Rəşid Behbudov küçələrinin kəsişməsində işıqforun qırmızı işığında hərəkət edib. Həmin zaman o, hərəkətdə olan təcili tibbi yardım avtomobili ilə toqquşub.
Qəza nəticəsində ambulansda olan həkim xəsarət alaraq xəstəxanaya çatdırılıb. Hər iki nəqliyyat vasitəsinə ciddi maddi ziyan dəyib. Faktla bağlı araşdırma aparılır.
[caption id="attachment_59475" align="alignnone" width="800"]
Foto Apa.az saytı[/caption]
