Binəqədi rayonunun S.S.Axundov küçəsində 3 mart tarixində zəncirvari qəzada üç avtomobil toqquşub. Bu haqda bu gün, 4 mart tarixində Bakuplus.az məlumat verir.
Küçənin eyni istiqamətində hərəkət edən “BMW X6”, “Range Rover” və “KİA” markalı minik avtomobilləri bir-biri ilə toqquşub. Nəticədə “BMW” səkiyə çıxaraq yolun kənarındakı obyektin pəncərəsinə çırpılıb.
Bir müddət sonra həmin küçədə tıxac yaranıb. Hadisə yerinə evakautor cəlb olunub, avtomobillər hərəkət hissəsindən götürülüb.
Qəzada xəsarət alan və yaxud ölən olmayıb. Avtomobillərə maddi ziyan dəyib.
[caption id="attachment_35619" align="alignnone" width="800"] Foto Bakuplus.az[/caption]
