Bakının Binəqədi rayonunda narkotik vasitələr satan şəxs saxlanılıb. Bu haqda bu gün, 2 noyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Əməliyyat Binəqədi Rayon Polis İdarəsinin Narkotiklərlə Mübarizə Bölməsinin əməkdaşları tərəfindən həyata keçirilib. Tədbir zamanı Amil Sərxadov tutularaq istintaqa cəlb edilib. Baxış zamanı ondan və Yasamal rayonu ərazisindəki evindən 2 kiloqrama yaxın müxtəlif növ narkotik vasitə aşkar edilərək götürülüb.
Amil Sərxadov ifadəsində Bakıya qanunsuz gətirilən narkotik vasitələrin satışı və yayılmasını təşkil etdiyini bildirib. O, narkotikləri əvvəlcədən müəyyən edilmiş ünvanlara çatdırmaq üçün və başqalarının diqqətini cəlb etməmək üçün kuryer görüntüsü yaradaraq mopeddən istifadə edib.
Faktla bağlı Binəqədi rayon polis idarəsində cinayət işi başlanıb. Məhkəmənin qərarı ilə Amil Sərxadovun barəsində həbs qətimkan tədbiri seçilib.
[caption id="attachment_77458" align="alignnone" width="640"]
Foto DİN[/caption]
