Bakıda avtomobil qaçıran şəxs onu qardaşına hədiyyə edib. Bu haqda bu gün, 18 may tarixində Bakuplus.az Report-a istinadən xəbər verir.
Paytaxtın Binəqədi rayonu, Biləcəri qəsəbəsində 17 may tarixində avtoservisdən Sumqayıt şəhər sakini Y.Əliyevə məxsus “Hyundai” markalı avtomobil oğurlanıb.
Daha sonra həmin nəqliyyat vasitəsi Gəncə şəhəri, Yeni Gəncə qəsəbəsində şəhər sakini Səfyar Qafarov tərəfindən idarə olunan zaman aşkarlanıb.
Aparılan araşdırma zamanı avtomobili sürücünün qardaşı, əvvəllər məhkum olunmuş Nicat Bayramovun qaçırdığı məlum olub.
Hazırda araşdırmalar davam edir.
