Bakı-Sumqayıt yolunda zəncirvari qəza baş verib. Bu haqda videogörüntülər bu gün, 3 iyun tarixində sosial şəbəkədə yayılıb.
Bu gün, səhər saatlarında "Ekologiya postu" yaxınlığında paytaxt istiqamətində hərəkət edən “Prius” “Kamaz”-a çırpılıb. Daha sonra digər avtomobillərin də onlara toqquşması zəncirvari qəzanın baş verməsinə gətirib çıxarıb.
Əraziyə DYP əməkdaşları və təcili tibbi yardım briqadası gəlib. Yolda sıxlıq yaranıb.
Hadisə nəticəsində yaralananların olduğu ehtimal olunur.
Yenilənib: 13:30
Səhər saatlarında Bakı-Sumqayıt yolunda baş vermiş qəzada bir nəfər həyatını itirib.
Qəza zamanı minik avtomobilinin sürücüsü, 33 yaşlı Aqil Məmmədov ölüb. “Toyota Prius” markalı maşındakı 21 yaşlı sərnişin isə xəsarət alaraq, xəstəxanaya yerləşdirilib.
Faktı Daxili İşlər Nazirliyinin Baş Dövlət Yol Polisi İdarəsi təsdiqləyib.
[video width="576" height="1024" mp4="https://bakuplus.az/storage/photos/2022/06/video_2022-06-03_09-36-52_2.mp4"][/video]
