Bakının Binəqədi rayonu ərazisində 99-NV-309 dövlət nömrə nişanlı avtomobilin sürücüsü avtomobilinin yük hissəsində Pakistan vətəndaşlarını sifariş verdikləri ünvana çatdırıb. Bu haqda bu gün, 23 mart tarixində Avtosfer məlumat verib.
Lentə alınan kadrlarda taksi sürücüsünün Pakistan turistlərini klub qarşısında əyləşdirdiyi görünür. Avtomobil salonunda kifayət qədər yeri olmadığı üçün isə onlardan birini yük yerində aparır.
Bu, sərnişindaşıma qaydalarının pozulmasıdır, sürücünü isə 60 manat və 3 bal cərimə gözləyir.
