Bakıda ötən gecə və bu gün, 22 aprel tarixində səhər saatlarında piyadaların iştirakı ilə 4 yol-nəqliyyat hadisəsi qeydə alınıb.
Nəsimi rayonu, 1-ci mikrorayon ərazisində, 159 nömrəli tam orta məktəbin qarşısında yolu keçən 10 yaşlı Ayxan Quliyevi avtomobil vurub. Uşaq təcili tibbi yardımın köməkliyi ilə xəstəxaya çatdırılıb.
Daha bir hadisə həmin rayonda qeydə alınıb. 41 yaşlı Könül Əhmədova yolu keçərkən onu avtomobil vurub. Yaralı qadın təcili tibbi yardım köməkliyi ilə xəstəxanaya yerləşdirilib.
Binəqədi rayonu, Azadlıq prospektində “Toyota” markalı avtomobil yolun piyada üçün müəyyən edilməmiş hissəsindən keçən 34 yaşlı Günay Məcidovanı vurub. Qadın sürücünün köməkliyi ilə 1-ci saylı şəhər xəstəxanasına çatdırılıb. Ağır vəziyyətdə olduğuna görə, yaralı reanimasiyaya yerləşdirilib.
Binəqədi rayonu ərazisində daha bir hadisə baş verib. 9-cu mikrorayonda avtomobil yolu keçən 35 yaşlı Azər Məmmədovu vurub. Yaralı müxtəlif dərəcəli bədən xəsarətləri ilə xəstəxanaya yerləşdirilib.
Hər dörd faktla bağlı araşdırma aparılır.
