Bakının Binəqədi rayonu, S.Məmmədova küçəsindəki evlərin birində oğurluq törətməkdə şübhəli bilinən şəxslər saxlanılıb. Bu haqda bu gün, 21 may tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Binəqədi Rayon Polis İdarəsinin 7-ci Polis Bölməsinə evdən 400 manat, 400 ABŞ dolları, 1620 manat dəyərində 4 ədəd qol saatı, çanta və 2 ədəd kassa aparatının oğurlanması baradə məlumat verilib.
Polis əməkdaşları tərəfindən aparılan əməliyyat-axtarış tədbirləri nəticəsində Sumqayıt şəhər sakinləri Zaur Ərzimanov, Nurlan Məmmədov, Lənkəran rayon sakini Məmmədhəsən Nəzərli və Abşeron rayon sakini, əvvəllər məhkum olunmuş Ərəstun Məmmədov sözügedən əməli törətməkdə şübhəli bilinən şəxslər qismində saxlanılıblar.
Faklta bağlı araşdırma aparılır.
