Bakının Binəqədi qəsəbəsi ərazisində silsilə oğurluqlar törətməkdə şübhəli bilinən şəxs saxlanılıb. Bu haqda bu gün, 10 may tarixində Bakuplus.az Daxili İşlər Nazirliyinin mətbuat xidmətinə istinadən məlumat verir.
Bildirilir ki, qəsəbənin müxtəlif yerlərindən - həyətyanı sahədən 2 ədəd avtomobil təkəri, evdən televizor, mobil telefon, yarımtikilidən isə təmir-tikinti alətləri oğurlanıb. Binəqədi RPİ 43-cü Polis bölməsinin əməkdaşlarının keçirdikləri əməliyyat tədbirləri nəticəsində Bakı şəhər sakini A.Talıbov şübhəli şəxs qismində saxlanılıb.
Faktla bağlı araşdırma davam edir.
