Bakıda oğurluqda şübhəli bilinən Abşeron rayon sakinləri saxlanılıb. Bu haqda 12 mart tarixində Bakuplus.az Daxili İşlər Nazirliyinə istinadən məlumat verir.
Binəqədi rayonunda müxtəlif vaxtlarda 4 mağazadan ümumilikdə 100 manat pul, 1900 manat dəyərində müşahidə kamerası, 4200 manat dəyərində ətir, tütün məmulatı, danışıq kartı və spirtli içki oğurlanıb. Polis əməkdaşlarının keçirdikləri əməliyyat-axtarış tədbirləri nəticəsində Abşeron rayon sakinləri C.Qafarov və qardaşı C.Qafarov saxlanılıblar.
Faktla bağlı araşdırma davam edir.
