Bakı şəhəri Binəqədi rayonunda baş verən yanğında bir nəfər ölüb. Bu haqda Fövqəladə Hallar Nazirliyinin (FHN) mətbuat xidməti 22 mart gecə saatlarında məlumat verib.
Hadisə beşmərtəbəli yaşayış binasının beşinci mərtəbəsində qeydə alınıb. Ümumi sahəsi 50 kv.m olan mənzilin 15 kv.m yanıb. Hadisə yerinə FHN əməkdaşları cəlb olunub, yanğın söndürülüb. Mənzilə baxış zamanı ev sahibi, 62 yaşlı Nadir Abbasovun meyiti aşkar olunub. Həmin şəxsin yataq xəstəsi olduğu bildirilir.
Abbasovun cəsədi aidiyyəti üzrə təhvil verilib.
Daha bir yanğın Qaradağ rayonunda bu gün, 23 mart tarixində baş verib. İkimərtəbəli yaşayış binasının ikinci mərtəbəsində hamam otağında lambirin üzlüyü yanıb.
