Binəqədi və Abşeron rayonları ərazisində narkotik vasitələrin satışı ilə məşğul olan daha iki nəfər saxlanılıb. Bu haqda BakuPlus.az Daxili İşlər Nazirliyinə istinadən bu gün, 12 may tarixində xəbər verir.
Keçirilən əməliyyatlar zamanı əvvəllər məhkum olunmuş Pənah İsmayılov və Ramin Abuzərov saxlanılıblar.
Pənah İsmayılovun üzərindən və yaşadığı evdən 42 kiloqram, o cümlədən 30 kiloqram heroin, 9 kiloqram metamfetamin, 3 kiloqram marixuana, elektron tərəzilər və 1 ədəd narkotik vasitələrin satışına dair qeydlər apardığı dəftər, Ramin Abuzərovdan isə 8 kiloqram müxtəlif adda olan narkotik maddələr aşkar edilib.
Paytaxtda, eləcə də, cənub və qərb bölgələrində həyata keçirilən digər əməliyyatlar zamanı sosial şəbəkələr vasitəsilə narkotacirlər tərəfindən narkokuryerliyə cəlb edilən daha 48 nəfər saxlanılıb.
Faktlarla bağlı cinayət işləri başlanılıb.
[caption id="attachment_44197" align="alignnone" width="800"] Foto Daxili İşlər Nazirliyinin rəsmi Youtube kanalı[/caption]
