Bakıda 22 evdən su sayğacları oğurlayan şəxs saxlanılıb. Bu haqda 12 aprel tarixində Daxili İşlər Nazirliyi məlumat verib.
Binəqədi rayonunda müxtəlif vaxtlarda 22 ədəd su sayğacı oğurlanıb. Polis əməkdaşlarının həyata keçirdikləri əməliyyat nəticəsində bu əməli törətməkdə şübhəli bilinən əvvəllər məhkum edilmiş Şəhriyar Mollayı saxlanılıb. Məlum olub ki, o, oğurladığı sayğacları hissələrə ayıraraq metal qəbulu məntəqələrinə satıb.
Oğurlanan sayğaclardan bir qismi saxlanılan şəxsdən aşkar olunaraq maddi sübut kimi götürülüb.
