Bakının Binəqədi rayonunda yerləşən 25 evin su sayğacını oğurlayan şəxs tapılaraq saxlanılıb. Bu haqda bu gün, 22 mart tarixində APA məlumat verib.
Binəqədi Rayon Polis bölməsinə verilən məlumata əsasən, qəsəbə ərazisində müxtəlif vaxtlarda 25 evin su sayğacı oğurlanıb. Polis əməkdaşları tərəfindən aparılan tədbirlər nəticəsində Ağsu rayon sakini Qorxmaz Kərimov aşkar olunaraq istintaqa təqdim edilib.
Şübhəli bilinən şəxs həmin sayğacları əlvan metal qəbulu məntəqələrindən birinə satmaq istəyib. Oğurlanan su sayğaclarının bir qismi aşkar edilərək sübut kimi götürülüb. Faktla bağlı araşdırmalar davam etdirilir.
