Bakıda bir sutka ərzində iki yanğın hadisəsi, o cümlədən şadlıq sarayında yanğın hadisəsi qeydə alınıb. Bu haqda bu gün, 28 mart tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
27 mart, axşam saatlarında Binəqədi rayonunda ümumi sahəsi 900 kv.m olan şadlıq sarayının mətbəxində alışma qeydə alınıb. Bildirilir ki, havatəmizləyici qurğunun mühərriki və içərisindəki yağ qalıqları yanıb. Yanğın hadisə yerinə cəlb olunan FHN əməkdaşları tərəfindən söndürülüb. Xəsarət alan olmayıb.
Daha bir yanğın hadisəsi bu gün, 28 mart tarixində baş verib. Xəzər rayonunda ümumi sahəsi 60 kv.m. olan köməkçi tikilinin dam örtüyünün yanar konstruksiyaları və içəridə qalan əşyaları yanıb. Hadisə yerinə yanğınsöndürmə briqadası cəlb olunub, yanğın söndürülüb.
