Bakıda evlərdən oğurluq edən şəxs saxlanılıb. Bu haqda BakuPlus.az Daxili İşlər Nazirliyinə istinadən bu gün, 21 may tarixində xəbər verir.
Binəqədi rayonu, Binəqədi qəsəbəsində yaşayan bir neçə sakinin mənzilindən təmir-tikinti əşyaları, eləcə də elektrik naqillərini oğurlamaqda şübhəli bilinən əvvəllər məhkum olunmuş Tahir Qasımov saxlanılıb.
Aparılan araşdırmalar ilə onun paytaxtın bir neçə rayonunda yerləşən ümumilikdə 5 evdən müxtəlif vaxtlarda təmir-tikinti alətləri, məişət və digər əşyalar oğurladığı məlum olub.
O, izahatında etdiyi oğurluqları etiraf edib.
Faktlarla əlaqədar əməliyyat-istintaq tədbirləri davam etdirilir.
[caption id="attachment_45398" align="alignnone" width="800"]
Foto DİN-in rəsmi Facebook səhifəsi[/caption]
