Paytaxtın Binəqədi rayonunda kişi meyiti aşkarlanıb. Bu haqda Fövqəladə Hallar Nazirliyinin mətbuat xidməti məlumat yayıb.
Binəqədi kəndində yerləşən mənzillərin birində 1 nəfərin bağlı qapı arxasında qaldığı barədə FHN-ə məlumat daxil olub. Əməkdaşlar giriş qapısını açdıqda, içəridə 34 yaşlı Emil Yahyayeviçin meyitini aşkar ediblər. Mərhumun hansı səbəbdən öldüyü hələlik bilinmir.
Cəsəd aidiyyəti üzrə təhvil verilib.
