Binəqədi rayonunda 2 gün əvvəl baş vermiş ağır qəzada xəsarət alan şəxslərdən biri Kliniki Tibbi Mərkəzdə vəfat edib. Bu haqda 16 iyun tarixində Qafqazinfo xəbər verir.
Goradil-Novxanı yolunda “Hyundai” markalı avtomobilin aşması nəticəsində ağır xəsarət alan və qabırğaların sınığı, burun sümüyünün sınığı, bud-çanaq oynağının çıxığı diaqnozları ilə Kliniki Tibbi Mərkəzə yerləşdirilən 42 yaşlı Fəxri Əhmədov xəstəxanada dünyasını dəyişib.
Bundan əvvəl, iyunun 14-nə keçən gecə hadisə nəticəsində ağır yaralanmış iki nəfər Mərkəzin Reanimasiya, bir nəfər Travmatologiya şöbəsinə yerləşdirilmişdir. Yaralanan şəxslərdən Ə.Ağayeva hamilə olub. Digər iki nəfərə isə ilkin tibbi yardım göstərildikdən sonra onlar evə buraxılmışdır.
Faktla bağlı cinayət işi açılıb.
