Paytaxtın Binəqədi rayonunda baş vermiş qəzada xəsarət alanlar barədə xəbər var. Bu haqda BakuPlus.az Ötən gecə baş vermiş qəza nəticəsində beş nəfər Kliniki Tibbi Mərkəzə gətirilib. Mərkəzin mətbuat katibi Elnur Hidayətoğlu bildirib ki, hadisə nəticəsində ağır yaralanmış iki nəfər Mərkəzin Reanimasiya, bir nəfər Travmatologiya şöbəsinə yerləşdirilib, digər iki nəfərə isə ilkin tibbi yardım göstərilib və onlar evə buraxılıb: “Reanimasiya şöbəsinə yerləşdirilmiş 1980-ci il təvəllüdlü şəxsdə qabırğaların sınığı, burun sümüyünün sınığı, bud-çanaq oynağının çıxığı, 1986-cı il təvəllüdlü şəxsə isə çanaq sümüklərində çoxsaylı sınıqlar diaqnozu qoyulub. Hər iki yaralının vəziyyəti ağır stabil qiymətləndirilir. Travmatologiya şöbəsinə yerləşdirilən üçüncü, 1999-cu il təvəllüdlü şəxsdə isə sol bud sümüyünün çıxığı diaqnozu qoyulub və hamilə olması nəzərə alınaraq, xüsusi müayinələrdən keçirilib. Hazırda yaralının vəziyyəti normal qiymətləndirilir”.
