Bakının Nərimanov rayonu ərazisində yerləşən ofislərin birindən 20.000 manat dəyərində inşaat materialları oğurlanıb. Bu haqda bu gün, 29 avqust tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Nərimanov Rayon Polis İdarəsinin 17-ci Polis Bölməsi əməkdaşları əməliyyat tədbirləri keçiriblər. İnşaat materiallarını oğurlamaqda şübhəli bilinən əvvəllər məhkum olunmuş şəxslər - Bakı şəhər sakini E.Ənnağıyev, Salyan rayon sakini B.Hacıyev və Ağdam rayon sakini V.Ələsgərov saxlanılıblar. Faktla bağlı araşdırma aparılır.
