Novxanı-Binəqədi yolunda bir nəfərin xəsarət alması ilə nəticələnən yol-nəqliyyat hadisəsi baş verib. Bu haqda APA bu gün, 23 dekabr tarixində məlumat verib.
“KİA Optima” markalı avtomobilini idarə edən 35 yaşlı Samir Vəliyev ötmə hərəkəti etmək üçün qarşı yola çıxaraq “KİA Rio” markalı avtomobillə toqquşub. Zərbənin gücündən Vəliyevin avtomobili yol kənarındakı nişana, daha sonra dirəyə çırpılıb.
Hadisə nəticəsində “KİA Rio” avtomobilini idarə edən 27 yaşlı Nuranə Qasımova ağır xəsarət alıb. O, xəstəxanaya yerləşdirilib.
Qəza yerinə Abşeron Rayon Polis İdarəsinin əməkdaşları cəlb olunub. Verilən məlumata görə, Vəliyev ağır sərxoş vəziyyətdə avtomobili idarə edib.
Samir Vəliyev Beynəlxalq Hava Limanında xidmətə çıxan Dövlət Gömrük Komitəsinin leytenantıdır.
