Sabunçu rayonunda polisin keçirdiyi əməliyyat-axtarış tədbirləri nəticəsində 5 nəfər saxlanılıb. Bu haqda 1 sentyabr tarixində Bakuplus.az Daxili İşlər Nazirliyinə istinadən xəbər verir.
Avqustun 8-də R.Quliyevi aldadaraq mopedini almaqda şübhəli bilinən Bakı şəhər sakini, əvvəllər məhkum olunmuş N.Stepanov polis tərəfindən tutulub. Məlum olub ki, o, Cinayət Məcəlləsinin 185-ci maddəsi ilə axtarışda olub.
Avqustun 28-də Ağsu rayon sakini Z.Xaliq oğlunu öldürəcəyi ilə hədələyərək 3000 manat pul tələb etməkdə şübhəli bilinən S.Yarıyev saxlanılıb.
Avqustun 30-da isə rayon ərazisindəki mağazaların birindən 1100 manat pul və 50 manat dəyərində tütün məmulatı oğurlanıb. Oğurluqda şübhəli bilinən Yevlax rayon sakini, əvvəllər məhkum olunmuş Ş.Bəkirov və Xırdalan şəhər sakini Ə.Quliyev tutulublar.
Avqustun 30-da İ.Xudiyevin 2200 manat dəyərində mopedini oğurlamaqda şübhəli bilinən Bakı şəhər sakini A.Məmmədov saxlanılıb.
