Bakıda 3 piyada yol-nəqliyyat hadisəsi nəticəsində yaralanıb. Bu haqda 26 avqust tarixində Report məlumat verib.
Sabunçu rayonunda avtomobil yolu keçən 9 yaşlı Xanım İbrahimovanı vurub. Yaralı sağ qolun sınığı diaqnozu ilə xəstəxanaya yerləşdirilib.
Həmçinin Sabunçu qəsəbəsində yolu keçən 62 yaşlı Minayə Şahmuradovanı və 37 yaşlı Aynur İsmayılovanı avtomobil vurub.
Yaralılar xəstəxanaya çatdırılıblar və həkim nəzarətinə götürülüblər.
Hadisələrin təfərrüatları araşdırılır.
