Bakının Səbail rayonu, Salyan şosesi ərazisində yerləşən evlərin birində orada yaşayan kişini bıçaqlamaqda şübhəli bilinən şəxs saxlanılıb. Bu haqda bu gün, 24 avqust tarixində Bakuplus.az Daxili İşlər Nazirliyinin mətbuat xidmətinə istinadən məlumat verib.
Hadisə ötən gün, 23 avqust saat 15:00 radələrində baş verib. Evin sakini A.Əhmədov polis bölməsinə müraciət edərək naməlum şəxsin xuliqanlıq zəminində ona bıçaqla xəsarət yetirməsi barədə məlumat verib.
Səbail RPİ 8-ci Polis Bölməsinin əməkdaşlarının keçirdikləri əməliyyat tədbirləri nəticəsində hadisəni törətməkdə şübhəli bilinən Bakı şəhər sakini V.Popov saxlanılıb.
