Paytaxtda mağazada yanğın baş verib. Bu haqda BakuPlus.az Fövqəladə Hallar Nazirliyinin mətbuat xidmətinə istinadən bu gün, 13 sentyabr tarixində xəbər verir.
Paytaxtın Suraxanı rayonunda bir dam altında tikilmiş müxtəlif təyinatlı obyektlərdən ümumi sahəsi 80 kv.m olan mağazanın dam örtüyünün yanar konstruksiyaları 15 kv.m sahədə yanıb.
Hadisə yerinə yanğından mühafizə bölmələri cəlb edilib. Yanğın FHN-in əməkdaşları tərəfindən söndürülüb.
Mağaza və bitişik obyektlər yanğından mühafizə olunub.
