Xəzər rayonu, əlvan metal qəbulu sexində atmosferin çirklənməsinə səbəb olan şəxs cəzalandırılıb. Bu haqda 25 avqust tarixində oxu.az məlumat verib.
Türkan qəsəbəsi ərazisində yerləşən metal qəbulu məntəqəsində tullantılar yandırılır. Nəticədə atmosferin çirkləndirilməsi sakinlərin narazılığına səbəb olub. Faktla bağlı Dövlət Ekoloji Təhlükəsizlik Xidmətinin Baş İctimai Təhlükəsizlik İdarəsi araşdırma aparıb.
Əraziyə keçirilən baxış zamanı Qala-Türkan yolunun sağ tərəfində hasarla əhatə olunan torpaq sahəsində əlvan metal əldə olunması məqsədilə metal qalıqlarının yandırılması faktı aşkar olunub. Məlum olub ki, metal qalıqlarını sexin icarədarı Anar Sadıqov yandırıb və ona qarşı akt, protokol tərtib olunub, təqsirkar barəsində qanunamüvafiq tədbir görülüb.
