Bakıda həyat yoldaşı tərəfindən zorlanan arvad ərini məhkəməyə verib. Bu haqda 22 avqust tarixində Bakuplus.az Milli.az-a istinadən xəbər verir.
Bakının Yasamal rayonunda 46 yaşlı Rəhim Rəhimov həyat yoldaşı Gülbənizi (adlar şərtdidir) zorlayaraq dəfələrlə işgəncə verib. Rəhim arvadını qeyri-təbii yolla cinsi əlaqədə olmağa məcbur edib və 2020-ci ilin dekabrında onun təcavüzü nəticəsində Gülbəniz cərrahiyyə əməliyyatı da olunub.
Gülbənizin sözlərinə görə, o, Rəhimin hərəkətlərindən bezərək boşanma ilə bağlı məhkəməyə müraciət edib, lakin Rəhimin valideynləri buna imkan verməyiblər. O da övladlarının xətrinə boşanmayıb.
2021-ci il martın 21-də Rəhim evə gəlib, arvadını yalandan qısqanclıqla bağlı ittiham edib və onu təhqir edərək diz üstə çökdürüb. İlk öncə onu döyərək boğub, daha sonra onunla qeyri-təbii yolla cinsi əlaqədə olub. Ərinin onu növbəti dəfə zorlayacağından qorxduğu üçün Gülbəniz evdən qaçıb və polisə müraciət edib.
Cinayət işi üzrə təqsirləndirilən şəxs qismində ifadə verən Rəhim ona elan olunmuş ittiham üzrə özünü təqsirli bilməyib:
“Gülbəniz toyda valideynlərim tərəfindən ona bağışlanmış qızılları evdən apararaq gizlətmişdir. Son dəfə evə gəlib qızılların harada olduğunu soruşdum, lakin o, mənə yerini bilmədiyini dedi və qızılları verməkdən imtina etdi. Onda Gülbənizin qulağından dartaraq çarpayıdan qaldırmaq istədim. Bu zaman o, çarpayıdan yerə yıxıldı. Həmin vaxt Gülbəniz qulaq nahiyəsindən xəsarət aldı. Gülbənizlə heç vaxt qeyri-təbii yolla cinsi əlaqədə olmamışam, yalan danışır”.
Rəhim Rəhimov CM-in ”Əzab vermə, işgəncə verməklə törədildikdə” maddəsi ilə təqsirli bilinərək, məhkəmənin qərarı ilə 1 il müddətinə azadlıqdan məhrum edilib.
