Yeni il günü çay evində tanışını öldürməkdə təqsirləndirilən Cavid Ataşzadənin məhkəməsi başa çatıb. Bu haqda 10 avqust tarixində Report məlumat verib.
Bakı Ağır Cinayətlər Məhkəməsinin hakiminin qərarı ilə həmin şəxs 17 il müddətinə azadlıqdan məhrum edilib.
Hadisə ötən il dekabrın 31-də Binəqədi rayonu, Mir Cəlal küçəsində yerləşən çay evlərinin birində baş vermişdir. Münaqişə zəminində Cavid Ataşzadə Bakı şəhər sakini Fikrət Hüseynovu kürək nahiyəsindən bıçaqla vuraraq qətlə yetirmişdir. Polis əməkdaşlarının keçirdikləri əməliyyat-axtarış tədbirləri nəticəsində C.Atəşzadə saxlanılmış və istintaqa təhvil verilmişdir.
