Bakının Binəqədi rayonu, Bakı Beynəlxalq avtovağzalının yaxınlığında zəncirvari qəza baş verib. Bu haqda məlumat bu gün, 23 iyul tarixində sosial şəbəkələrdə yayılıb.
Videogörüntülərdən məlum olub ki, ən azı 4 minik avtomobili toqquşub. Qəza nəticəsində onlardan biri yolun əks istiqamətinə çıxıb.
İlkin məlumata əsasən, hadisə nəticəsində bir nəfər xəsarət alıb. Nəqliyyat vasitələrinə ciddi ziyan dəyib.
Qəza nəticəsində hər iki istiqamətdə tıxac yaranıb. Hadisə yerinə polis əməkdaşları cəlb olunub.
