Paytaxt ərazisində narkotik alverinə qarşı əməliyyatlar keçirilib. Bu haqda bu gün, 2 sentyabr tarixində Bakuplus.az Daxili İşlər Nazirliyinə istinadən xəbər verir.
Nərimanov rayonunda Salyan rayon sakini, əvvəllər məhkum olunmuş E.Nəcəfov saxlanılıb. Onun yaşadığı evdə 1 kiloqram 500 qram heroin aşkar edilib.
Nizami rayonunda isə Bakı şəhər sakini, əvvəllər məhkum olunmuş Ü.Musayev tutulub. Onun üzərində 102 qram heroin aşkarlanıb.
Hər 2 faktla bağlı araşdırma aparılır.
